១. ធ្វើមេនាំជាតិ កុំភ្លេចគ្រប់ធាតុ គិតរាស្ត្រជាមុន
កុំមើលលុយឈ្មួញ ឱនក្រាបផ្គាប់ផ្គុន បើភ្លេចយីអ៊ុន
រាស្ត្រគង់ជាន់ក។
២. សាងល្អតគុណ តបរាស្ត្រជាមុន ដោយចិត្តស្មោះសរ
បុណ្យតាមជួយជាប់ មិនងាប់អន្ដរ/អន់-ដ/ ព្រោះអំពើល្អ
ជាតិរាស្ត្រសុខសាន្ត។
៣. នគរបានថ្កើង ចម្រើនលូតឡើង រាស្ត្រសុខគ្រប់ប្រាណ
សត្រូវជិតខាង ចិត្តជួសាមាន្យ ក៏គង់ខកខាន
លែងបានលេបខ្មែរ។
៤. កុំអួតខ្លួនខ្លាំង ពូជអ្នកចម្បាំង ពូកែខ្លាំងតែ
បង្ក្រាបរាស្ត្រឯង ទួញយំឥតល្ហែ នោះស្រុកមុខតែ
យួនសៀមលេបបាត់។
៥. មេដឹកនាំល្អ កាន់ចិត្តស្មោះសរ ទសពិធពាក្យសត្យ
លះសេចក្ដីលោភ លះក្រោធបែបសត្វ រវាំងប្រយត្ន
បរទេសឫស្យា។
រក្សាសិទ្ធិ copyright rbu_spp 11:11 on Wednesday June 17, 2015 Sao Puthpong Sao
No comments:
Post a Comment