ហាត់ប្រាណលើផ្កា រីកថ្លាអារម្មណ៍
ផ្កាអើយសូមទ្រាំ ពុំយូរណាស់ទេ
ផ្កាក៏បានស្រួល ទាំងព្រឹកដឹងទេ
រាល់ពេលទំនេរ សូមហាត់លើផ្កា ។
ផ្កាអើយសូមទ្រាំ ពុំយូរណាស់ទេ
ផ្កាក៏បានស្រួល ទាំងព្រឹកដឹងទេ
រាល់ពេលទំនេរ សូមហាត់លើផ្កា ។
សូមហាត់រាល់ព្រឹក រំឭករឿងដើម
ពេលមានសន្សើម ដង្ហើមស្រស់ថ្លា
ទាំងបានស្រង់ក្លិន ផ្កាជាប់់នាសា
បានហាត់កាលណា នឹកផ្កាមិនភ្លេច ។
ពេលមានសន្សើម ដង្ហើមស្រស់ថ្លា
ទាំងបានស្រង់ក្លិន ផ្កាជាប់់នាសា
បានហាត់កាលណា នឹកផ្កាមិនភ្លេច ។
សម្រស់និងក្លិន មាសឆ្អិនបុប្ផា
បានថើបកាលណា ចងចាំជានិច្ច
សន្សើមលើផ្កា ចាំងថ្លាព្រិចៗ
ឃើញដូចគ្រាប់ពេជ្រ កែវភ្នែកបុស្បា ។
បានថើបកាលណា ចងចាំជានិច្ច
សន្សើមលើផ្កា ចាំងថ្លាព្រិចៗ
ឃើញដូចគ្រាប់ពេជ្រ កែវភ្នែកបុស្បា ។
ផ្កាមានមន្តស្នេហ៍ ចង់តែក្រសោប
ត្រកងបីឱប រួមរឹតស្នេហា
ជាគូជីវិត នែបនិត្យវាសនា
កើតជាតិណាៗ សូមជួបផ្កាមួយ៕
ត្រកងបីឱប រួមរឹតស្នេហា
ជាគូជីវិត នែបនិត្យវាសនា
កើតជាតិណាៗ សូមជួបផ្កាមួយ៕
ថ្ងៃទី៥ កក្កដា ២០១៦ សៅរ៍ ពុធពង្ស Puthpong Sao Photo: Chan Rada, Facebook
No comments:
Post a Comment