ចំអកបន្ត ជាលើកទីពីរ គេថ្កោលគ្រប់ទី
ព្រោះរឿងសើចលេង។
ទូរទស្សន៍ដោះសា ខុស"អចេតនា" កុហកបោកក្មេង
ឲ្យគ្នារំភើប គេសើចឡកលេង នាងតូចវង្វេង
ទឹកភ្នែកជោរជន់។
នាងយំសស្រាក់ ព្រោះតែនឹកម៉ាក់ អាល័យពេកពន់
បែកដប់បីឆ្នាំ ក្រំចិត្តសែនធ្ងន់ ក្នុងចិត្តគិតគន់់់
បានជួួបម៉ាក់វិញ។
ទូរទស្សន៍ភូតបោក កម្មវិធីថោក ឲ្យនាងទោម្នេញ
យំទឹកភ្នែកហូរ លើថ្ពាល់រេញៗ ក្នុងចិត្តទន្ទេញ
សង្ឃឹមជួបម៉ាក់។
MyTV ភរ មនុស្សទាំងនគរ ល្បែងក្បត់សច្ច:
លេងសើចបោកក្មេង ឆ្លើយបង្វែងដាក់ ដោះសាប្រចក្ខ
ថា"អចេតនា"។
គេបានរៀបចំ ឈុតគិតថា"សម" ពុំពិចារណា
នាំគ្នាសើចលេង ពេលក្មេងឈឺផ្សា នេះ"អចេតនា"
ឬ MyTV?
បើ"អចេតនា" នេះមានន័យថា ម្ចាស់កម្មវិធី
ខ្វះគតិគ្រប់ និង MyTV មើលងាយពេញទី
មនុស្សទាំងប្រទេស។
rbu-spp, Tuesday 12, 2015 Puthpong Sao
No comments:
Post a Comment