តែមិនទាន់ហ៊ាន ខ្លាចផ្កាមិនព្រម បើពេលសមល្មម
បងសូមសួរចិត្ត។ ហិហិហិ
ស
សួរចិត្តស្និទ្ធកាយ អញ្ជ័នឆោមឆាយ សូមកែវអាណិត
បេះដូងកំព្រា ប៉ងជាគូស្និទ្ធ រួមរស់ផ្ដេកផ្ដិត
ចិត្តកាយតែមួយ។
ក
បានស្តាប់សម្តី ឮពាក្យអ្នកថ្លៃ ដួងចិត្តរញ្ជួយ
ភ័យផងអរផង ចាប់ផ្តើមភ័យព្រួយ ថាស្នេហ៍តែមួយ
ឬមួយថែមពីរ?
ស
បើថែមពីរបី កែវកិន្នរី សូមនួននារី
យល់ចិត្តផងគ្នា នាងជាទេពី រាប់រកមូលមី
កុំហួងហែងហួស។
ក
ហាហាហាហាហាហា មិនបានទេ មិនបានទេ
ស
បានឬមិនបាន តាមតែកល្យាណ សម្រេចចិត្តទេ
ចិត្តកែវមេត្តា ល្បីថាលើសគេ មុខតែគ្នាន់គ្នេរ
យល់ស្រីដូចគ្នា។
ក
ចិត្តស្រីដូចគ្នាមែន ទើបមិនព្រម!
ស
មានរឿងពិតមួយ ចំទាវក្មេងស្រួយ រូបស្រស់សោភា
"មកមើលប្រពន្ធ ប្ដីខ្ញុំនាងគ្នា កើតកូននៅនា
ពេទ្យកាល់ម៉ែតហ្នឹង"។
ចំទាវប្រិមប្រិយ មានចិត្តប្រណី ចិត្តល្អមិនខឹង
យកប្រពន្ធចុង ប្ដីមកឲ្យដឹង នៅផ្ទះមូយហ្នឹង
ជុំគ្នាជាសុខ។
ក
មិនបានទេ ខ្ញុំធ្វើមិនបាន!
ស
ចិត្តរឹងដូចដែក ខាំទំពារហែក មិនចែកព្រមប្រាណ
នឹងប្រុសណាព្រើល មិនព្រមមើលប្រាណ នេះហៅក្លាហាន ស្រីគួរសរសើរ។
ក
ចែកអីចែកបាន ចែកប្តីចែកប្រាណ ចែកមិនបានឡើយ!
មាណព កំសត់៖
សូមគ្រហែមមួយចុះ ហ៊ែមៗៗ
ស
គ្រហែមគ្រហឹម ទាំងមុខញញឹម អារម្មណ៍ស្រស់ថ្លា
ឱរាប៉ផ្អួច កួចចិត្តលើផ្កា ឬមួយយ៉ាងណា
វាចាមកចុះ
ក
មនីកេសណីយ៍ សឿង ពូ គ្រហែមអ្វី?
ម
អន្ថន័យ ផ្តោះផ្តង តាមកំណាព្យ ធ្វើអោយប្រហោងពោះ
ក
ហាហាហាហា ផ្អែមពេកហ៎?
ម
ឮសូរ "មិនចែកប្តី មិនចែកប្រាណ .." ស្ទើរ រកកលនឹងខ្យល់ចាប់។
ក
ហាហាហាហាហាហាហាហា ស្រីៗគឺអ៊ីចឹង!
No comments:
Post a Comment