តាលព្រឹក្សបាំងថ្ងៃ ក្នុងទិនសម័យ
កណ្ដាលវេហាស៍ ទាក់ទាញភ្នែកមើល
ដូចបាដិហារិយ៍/ប៉ាដិហា/ ខ្លះលាន់មាត់ថា
ទេព្តាសម្ដែង។
បាតុភូតធម្មជាតិ តាមអុបទិកធាតុ
ដូចឃើញជាក់ស្ដែង ទាក់ទងអាកាស
ពន្លឺប្រលែង ទាំងកម្ដៅឯង
សម្ញែងប្លែកភ្នែក។
ខ្លះអះអាងថា នេះគឺទេព្តា
បាំងឆ័ត្រលើមេឃ ដាស់មនុស្សឲ្យឃើញ
ថ្ងៃភ្លឺផ្លេកៗ វង់កណ្ដាលមេឃ
ហៅថ្ងៃបាំងឆ័ត្រ។
បាតុភូតហ្នឹង តាមឮតាមដឹង
វាជាបញ្ញត្តិ រលកកម្ដៅ
ជះឆ្លងបក់កាត់ ចំហាយភាយសាត់
កើតវង់ចាំងមេឃ។
កំណាព្យរក្សាសិទ្ធិ rbu_spp April 17, 2014
Photo: FOX 13's Paul Dellagatto, Venice
No comments:
Post a Comment