ខ្លួនខ្មែរប្រែរូបពីបារាំង
អក្សរខ្មែរបាំងបារាំងក្លាយ
អង់គ្លេសកន្ទុយជាប់ស្រឡាយ
មៀងមើលមកអាយកាត់បីសាសន៍។
"រ៉ូយ៉ាល់"សំនៀងបារាំងចំ /royal/
សរសេរបន្លំឲ្យឃើញផ្ដាស
ប្រើអក្សរខ្មែរកែបន្លាស់
ចង់ឲ្យឃើញច្បាស់មិនមែនខ្មែរ។
បែរមើលកន្ទុយដាក់"រេលវេ" /rail way/
ពាក្យនេះអង់គ្លេស៍គេខំកែ
សរសេរនឹងតួអក្សេរខ្មែរ
ឲ្យប្រែអង់គ្លេសខ្មែរបារាំង។
"អយស្ម័យយាន"ជាឈ្មោះខ្មែរ
គេកែប្រែឈ្មោះឃើញប្លែកខ្លាំង
តាំងពីស្រុកខ្មែរឆ្លងចម្បាំង
ជាពូជអ្នកខ្លាំងច្បាំងជាតិឯង។
កំណាព្យរក្សាសិទ្ធិ copyright rbu_spp ថ្ងៃទី២១ ៣ ២០១៦ សៅរ៍ ពុធពង្ស Puthpong Sao
រូបថត៖ Puth Sopha
No comments:
Post a Comment